منتديات حـــورية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات حـــورية

ملتقى الاحبة والاصدقاء
 
الرئيسيةأحدث الصورالتسجيلدخول
منتديات حوريه ترحب بكم وتتمنى ان تقضوا بصحبتنا أحلى الاوقات
اهلا وسهلا بضيوف واعضاء منتديات حورية منورين بوجودكم
اهلا اعضائنا وضيوفنا الاعزاء نورتو منتديات حورية

 

 المولده وحسام الرسام قصه روعه

اذهب الى الأسفل 
2 مشترك
كاتب الموضوعرسالة
Somar fm
**مدير منتديات حورية**
**مدير منتديات حورية**
Somar fm


ذكر
عدد الرسائل : 172
السٌّمعَة : 0
المتميزين : 57461
تاريخ التسجيل : 06/07/2008

المولده وحسام الرسام قصه روعه Empty
مُساهمةموضوع: المولده وحسام الرسام قصه روعه   المولده وحسام الرسام قصه روعه I_icon_minitimeالأحد يوليو 06, 2008 6:14 pm



السلام عليكم شلونكم حشاشه



خل أسولفلكم



أحم أحم


فد يوم من الأيام جنت بلمنطقة وكلنة كاعدين


وكاعد نسولف علكهرباء وكلنة معنوياتنة تعابنة وكلهة جاي تسب بلحكومة
ماطوله عليكم جان يجي حسام الرسام جان جيرانة حايط على حياط كال { شنهي السالفة فهموني } كال ولا تحيرون ولا شي أني اليوم رح اشتري مولدة وأوزع خطوط
كلهة صاحت هلا بحسام وكيفنة ولله بعدين ورة يومين أجانة حسام يعيط كلنالة ها شكو
جان يكول { اليوم اكلب الدنيا اليوم , اليوم اسويهة ضلمة عليهم }
بعدين كتلة حسام يمعود يا ظلمة هية سودة مصخمة وماكو كهرباء تريد تسويها ضلمة فوك القهر جان يكلي لا .كتلة لعد شنو جان يكول اليوم نزلت لسوك نيويورك يم البتاوين وأشتريت مولدة ورح اوزع خطوط ولله كلنة كيفنة وشكرنا لحسام وهوة الولد جاب المولدة و وزع خطوط واني اول واحد سحبت منة
المهم راحت أيام واجتي ايام فصلت الجوزة عدنا رحتلة لحسام دكيت الباب طلعلي كلي ها شنو هاي كتلة شكو ؟ جان يكلي { يومين ما شايفك راح اتخبل راح اتخبل }
كتلة يمعود حسام بطلهن وشوفلي الجوزة داشوف الاخبار جان حسام يكلي { طفي جهازك يومك عيشة ريح بالك من تحشيشة شلك تسمع بالاخبار الزمن المشعول بالنار }
كتلة حسام خلي يولن وحولي الجوزة عاد رح اموت برد اريد ارجع
جان يكلي دروح شكد تلغي وراح الولد وسوالي الجوزة جان تجي بنية اني وحسام كمنة نباوع عليهة كالي حسام هاي خوش وصلة أجتي البنية جان حسام كاللهة { خيو بنت الديرة خيو حلوة صغيرة } البنية كالتلة حسام رجعلي الجوزة ترة ابوية رح يجي يشبعك كتل اني معليه حسام ضاج جان يعيط عليهة كللهة هوة انتو ساحبين 5 أمبير وتشغلون السبلت هوة هذا حجي البنية كالت لا ولله بس فاتحين البنكة والتلفزيون حسام جاوبهة كال { شكد يجذبن النسوان غشمة احنة ونصدكهن يحطن علجرح تيزابنكول الله يسامحهن }
وراح وسوالهة الجوزة بعدين
رجعت للبيت البنية جان لكت الكهرباء بعدهة مطفية يعني ممرجعلهة الجوزة
راحتلة للبيت فلشت الباب عليه كلتلة شبيبك باباتي مو كتلك رجعلي الجوزة كال هاااا { هل ايام هواي انسى وعمري ضايع ما احسة جانت الأيام حلوة كبل وين أوين هسة }
كلتلة البنية دروح دفرة بجهرتك جان يكوللها { روحي ولي انتي ماتسوين دمعي روحي ولي } بعدين كل واحد راح البيتة
بعدين بنص الليل اجوي حرامية وخمطو المولدة مال حسام وطفت الكرباء علينة كلنة
جان اجوي اهل المنطقة عليه فلشو الباب طلع كلولة وين المولدة حسام كام يعيط انقهر علمولدة { وينهاا كلهم يسئلوني عليج وينها انسى ويذكروني بيج }
كلنة انقهرنة على حسام وهوة صار عصبي وكللنة يا عالم { يمة انباكت المولدة كعدت الصبح ملكيتها غديتة وعشيتة كعدت الصبح ملكيتها }
ولله هم كل واحد راح البيتة وصدك حسام ضاج كاعد يم الباب يكول مدري شبيه يا ربي لمن انباكت المولدة حسيت الشمس غابت .....}
احنة انقهرنة بلزايد بعدين رحتلة كتلة لحسام اني اشك بفلان هوة بايك المولدة جان حسام كال اني هم شاك بي جان رحنة عليه دكينة الباب طلع الولد حسام صاح { جيب المولدة جيبهة جيب المولدة جيبهة }
الولد كال والعباس مابايكهة { شروكي هوة الولد } وأترزلنة واستحينة وحسام كال هذا طلع مابايك المولدة وخجلنة ولله وكال للولد { احسبهة عليه غلطة مو بديه }
بعدين اتصلنة بلمحقق كونان اجة النا ركض بسيارتة البرازيلي وطب للبيت كام يفتش جان بل اخير اكتشفنة كاظم الساهر بايكهة لان يغار من حسام لان حسام صار اشهر من عندة
رحتلة لكاظم الساهر فتحلي الباب كلي { يا هلا بهل الطول يا ميت هلا } كتلة ليش بايك المولدة كلي بكيفي جان عيطت عليه كتلة متستحي انت جان يكلي { شصار شدعوة شصار شدعوة شكلنالك }
جانت كلتله أهــ كاظم دوختني جان يكلي { سلامتك من الأه سلامتك من الأه }
ولله شفت مابي فائدة رجعت للبيت حسام اجاني كالي ها بشر كتلة مايقبل يرجع المولدة
حسام صار عصبي وكال اني راح اروحلة بنفسي
ولله هم صدك صعد بلسيارة ورحنة جان يدك الباب جان كاظم يطلع
حسام كال { ما اكلك اني واني أنطيني من وكتك ثواني }
كاظم كال { ها حبيبي منهو الزعلك }
حسام كلة رجعلي المولدة لا ابتلي بيك كاظم كام يبجي حسام كال { من زعلك من بجاك انعل ابو للبجاك }
كاظم كال { منين اجيب احساس للي مايحس زمنين اجيب الحظ للحظة نحس }
حسام كلة اخوية رجعلي المولدة لا احرك الجو هسة كاظم جر بوشة كال اخذو المولدة وخلصوني ولله اخذنة المولد ورجعناهة وكيفنة ورجعت الكهرب وانفظت الشغلة
الرجوع الى أعلى الصفحة اذهب الى الأسفل
عطر المحبة
عضو جديد
عطر المحبة


ذكر
عدد الرسائل : 48
العمر : 43
السٌّمعَة : 0
المتميزين : 56985
تاريخ التسجيل : 23/08/2008

المولده وحسام الرسام قصه روعه Empty
مُساهمةموضوع: رد: المولده وحسام الرسام قصه روعه   المولده وحسام الرسام قصه روعه I_icon_minitimeالسبت أغسطس 20, 2016 1:55 am

ههههههههههههه
الرجوع الى أعلى الصفحة اذهب الى الأسفل
 
المولده وحسام الرسام قصه روعه
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات حـــورية :: قسم الترفية والضحك :: منتدى الحشاشه-
انتقل الى: