منتديات حـــورية

ملتقى الاحبة والاصدقاء
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
منتديات حوريه ترحب بكم وتتمنى ان تقضوا بصحبتنا أحلى الاوقات
اهلا وسهلا بضيوف واعضاء منتديات حورية منورين بوجودكم
اهلا اعضائنا وضيوفنا الاعزاء نورتو منتديات حورية

شاطر | 
 

 جنســيــتــي محبــتـــك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
همسة
*مشرفة قسم الاعضاء*
*مشرفة قسم الاعضاء*
avatar

عدد الرسائل : 250
السٌّمعَة : -1
المتميزين : 33883
تاريخ التسجيل : 25/08/2008

مُساهمةموضوع: جنســيــتــي محبــتـــك   الجمعة يونيو 26, 2009 4:51 am


جنسيتي محبتك


مجنون أبمحبتك يا اعز إنسان
يا أجمل قصيدة و أحلى معزوفة
يا مالك خيالي و فكري يا معسول
اكتب بس إلك كل شعري و حروفه
قافيتي شفافك و الوزن رمشين
و عيونك بحور الشعر موصوفة
صوتك عدّة بالغبشة نغم فيروز
و ام كلثوم من قاموسي محذوفة
يا كلشي بحياتي و يا فرح دنياي
يا من شلت من گليبي كل خوفه
ما أضنك تبيع و لا أبيعك يوم
اكو واحد يبيع گليبه و يعوفه
يالحسنك عجيب و ما اضن موجود
إذا تطلع نشوف الشمس م****وفة
و خطية الگمر يبچي و يون تالي الليل
حدر الغيم يختل صابته الخوفة
يالحسنك ينوّر كل ظلام الكون
إذا قرص الشمس م****وف ذليته
و گمر ليل المحبّة بشوفتك مقهور
إذا حتى الگمر بالليل بچيته
و گلوب الشباب تفرفح امن تفوت
و الشايب بعطرك اضن شليته
و نسوان ألتشوفك منك يغارون
و ألبعده مراهق نظرة أمنيته
و الطفل إلّي يرضع بعده بالكاروك
ضل يمشي وراك و يحچي خليته
و إذا شرطي طلب مني هويتي بيوم
أبرز صورتك تشتعل بيبيته
يفتحلي الطريق بصورتك مبهور
إجلالاً يدنگ و يذب بيريته
جنسيتي محبتك تدري كلش زين
شنو قيمة ليضيّع يوم جنسيته
حبك غيراني و صرت أموت عليك
شتلت گليبك بنص گلبي و سگيته
و الدم إلّي يسري بجسمي ما أحس بيه
دمك يسري بالشريان حسيته
انت العلمتني العشگ و الإحساس
فضلك عالگلب لن يدگ خليته
علّمته البراءة و طفل صار وياك
يمشي و ما يريد ايرد على بيته
فرحان و اجالك تدري يوم العيد
رايد بوسه منك هايه عيديته
يا أجمل بشر خالقك رب الكون
يا أطيب گلب بالصدفة لاگيته
يا أوفى البشر يا حلمي يا دنياي
يا أول شخص من گلبي حبيته
دوّرت شكثر ما شفت مثل شفاك
علاج و كل مرض من بستك نسيته
شلت كل المواجع من گلب تعبان
بيدك جرح الي ابدلالي داويته
يا اسمي الثلاثي و گمر تالي الليل
رسمك بالگلب و بدمي خطّيته
يا قوس و قزح يا مثل للعشاگ
يعشگ گلبي حد الشيب وصيته
فرض سادس أشوفك صار تالي الليل
نسيت الخمسة و السادس أنا أديته
صدّگني احبك حد گطع لأنفاس
لأنك انت حلمي إلّي تمنيته
تمنيتك گبل ما أشوفك امن سنين
حبك بالگلب من زغري ربيته
ما أضيعك من ايدي و لا أفرّط بيك
إلا بحالة گلبي يعوف جنسيته
إذا يلفي عليّة بليلة ملك الموت
اعذر گلبي لمن توصل منيته


منقول لعيونكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جنســيــتــي محبــتـــك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حـــورية :: القسم الثقافي :: منتدى الشعر-
انتقل الى: