الدارمي وغزل البنات
هذا النمط من الشعر الشعبي العراقي يتألف من صدر وعجز وفق نضام ألقافيه
ويطلق عليه غزل البنات أو شعر البنات يعطي مضمون قصيده كامله في شطرين
فقط, ومن الدارمي غنى الكثير من المطربي المقام والبستات البغداديه والمطربين
الريفيين العديد من الاغاني العذبه, وهذه مجموعه وباقه من الدارميات
أخترتها لكم
دمعي أنكضه يهواي بوسه ابجبينك
ما بكت عندي أدموع دايني عينك
******
يدموعي لتباتين ليله أعلى خدي
جاني التريده الروح لعيوني ردي
******
شاعر وأخني الشوك واتغزل بيك
ومني القوافي اتغار كلما ألاكيك
******
امفيض أدموع العين وتكلي غني
وحي الشعر زعلان منك ومني
******
أنصف أوياي وشوف لجلك شسوي
كلي أصير أشموع ابدربك واضوي
*******
كلبك لغز يهواي واتريد أحزره
مختلط بحر الشوق مده اوي جزره
*******
من بعد ذاك الضيم ألغيري الولف صار
ماجنت أضن مكتوب كلبك للأيجار
******
أتمر وتوجني أبنار أتروح وتسلني
وأهموم وسهر وجروح أبحبك ولني
******
هذه باقه للشاعر العراقي
ناصر محسن الساري
الأربعاء سبتمبر 10, 2008 4:29 am
